Issa x’Baqa’?
Attività għall-Magħżulin (Malta)
12 Jannar, 2025
Numru sabiħ ta’ Magħżulin mill-oqsma ta’ Malta, nġabru fl-Iskola St Michael għall-ewwel laqgħa tagħhom din is-sena nhar is-Sibt 11 ta’ Jannar, 2025. F’atmosfera ta’ talb u b’mod ferrieħi, il-Magħżulin irriflettew fuq ir-relazzjoni tagħhom ma’ Ġesù, issa li rċevew is-sagrament tal-Griżma tal-Isqof fix-xhur li għaddew. Oliver Aquilina indirizza lill-Magħżulin qabel it-tluq tiegħu lejn il-Filippini fil-jiem li ġejjin. Huwa tkellem dwar din il-missjoni l-ġdida tal-MUSEUM fl-Asja. Wara, il-Magħżulin kellhom l-opportunità li jieklu flimkien u jilagħbu futbol, basketball, u logħob ieħor. Salamat sa Diyos! Grazzi lis-Sinjur Alla!
