Itlob ’l Alla li jferik bl-imħabba tiegħu!
L-Aħħar Aġġornamenti
Sfortunatament fi żmienna saret komuni li ħafna jitkellmu kontra l-fidi Nisranija. Mhux ħaġa kbira li tkun qed tqalleb fuq il-mezzi tax-xandir jew il-mezzi soċjali u tiltaqa’ ma’ xi ħadd jargumenta fuq dan. Imma mhux l-ewwel darba li, xħin tieqaf tisma’ x’għandhom xi jgħidu fuq il-fidi f’Alla, jitkellmu fuq ħafna ideat differenti, imma ftit li xejn jirriflettu fuq dak li Alla wriena li hu. San Ġorġ Preca, fi żmienu diġà kien qed jara din ir-realtà tikber madwaru u ħadem fuq li ħadem biex jiġġildilha bil-mod li seta’, billi jgħallem bil-kliem imma wkoll billi jipprattika dak li kien jemmen. Din il-biċċa xogħol Alla ma jirriservahiex lil ftit nies bħal Dun Ġorġ, il-qassisin, ir-reliġjużi jew il-Membri tal-MUSEUM. Kull Nisrani, dakinhar tal- Magħmudija, Alla sejjaħlu biex, bil-mod li jista’, iwassal lil dawk li jiltaqa’ magħhom min hu dan Alla. U llum li ħafna ma joqogħdux lura milli jsemmu ideat żbaljati ta’ min hu Alla, hemm aktar bżonn li aħna nuru min hu Alla, kulħadd kif jista’. Min jista’ bil-kelma, oħrajn bil-kitba, imma żgur kulħadd bl-eżempju, billi ngħixu dak li nemmnu.
Aqra Aktarminn Carmel G. Cauchi, Membru Agħti lil Alla dak kollu li għandek u hu jagħtik dak kollu li għandek bżonn. Nagħti kollox lill-Mulej. Xi jfisser dan? Dan ifisser: li ma nħalli xejn jifridni mill-imħabba t’Alla; li nagħmel ħilti kollha biex inħares il-liġi tiegħu; li nkun lest li nagħmel kull sagrifiċċju li jitlob minni; li nżomm lilu bħal l-ogħla u l-aqwa valur f’ħajti. Jekk jien inkun hekk ġeneruż mal-Mulej hu jkun ġeneruż ħafna iktar minni u jagħtini dak kollu li neħtieġ. San Ġorġ Preca kien jgħallem li dak li hu tajjeb u sabiħ fil-kreatura huwa infinatament tajjeb u sabiħ fil-Kreatur. Dan jgħallimhulna wkoll l-Imgħallem innifsu: “Fittxu l-ewwel is-saltna u l-ġustizzja ta' Alla, u dan kollu (li tenħtieġu) jingħatalkom ukoll.” (Mt 6,33) L-Imgħallem qalilna wkoll li jekk Alla jieħu ħsieb it-tajr u l-ġilji kemm iżjed jieħu ħsieb lilna l-bnedmin li aħna ħafna iktar prezzjużi minnhom. (Mt 6, 25-34) San Pietru kiteb: “Itfgħu fuqu (Alla) l-hemm tagħkom kollu għax huwa jieħu ħsiebkom.” (1 Pt 5,7) Il-Bibbja tgħid ukoll, “Il-Mulej jimxi quddiemek, hu jkun miegħek; ma jħallikx u anqas jitilqek; la tibżax u la taqtax qalbek.” (Dt 31,8) Mela nagħti kollox ’l Alla u ma jkun jonqosni xejn. Lil Alla kollox nagħti, kulm’għoġbu jagħti lili u ċert li f’kull bżonn tiegħi hu dejjem jipprovdili.
Aqra AktarIt-talb huwa fil-qalba ta’ kull fidi. Bħalma ma tistax tħobb lil martek jew lil żewġek mingħajr ma tqatta’ l-ħin magħhom, ma tistax timxi wara Alla mingħajr ma tersaq lejh kuljum fit-talb. Dan tista’ tgħid jidher f’kull tradizzjoni ta’ twemmin ieħor. Pereżempju Lhudi prattikanti jieqaf biex jitlob tliet darbiet kuljum, filwaqt li l-Musulmani jitolbu ħames darbiet. Madankollu, din hi ħaġa li fil-fidi tagħna jidher li traskurajna sew, tal-inqas fil-pajjiżi tal-Punent, u madwarna qed naraw il-frott ta’ din it-traskuraġni għax il-fidi qiegħda dejjem titlef il-prominenza tagħha fil-ħajjiet tagħna. Saħansitra qed nissagrifikaw il-quddiesa tal-Ħadd li għal ħafna kienet l-aħħar appuntament regolari mal-ħajja tal-fidi. X’nistgħu nagħmlu quddiem dan kollu? Inħallu l-kliem ta’ Kristu jispirana, “Ħallu d-dawl tagħkom jiddi”! Ejjew inkunu nies ta’ talb! Ejjew nagħmlu mill-quddies tal-Ħadd esperjenza ta’ talb tassew spiritwali! Mhux importanti kemm nies jitilgħu ħdejn l-altar biex jagħmlu xi ħaġa! Għax mhux biss min jaqra jew itella’ l-offerti qed jieħu sehem f’din iċ-ċelebrazzjoni. Kull min qiegħed fil-knisja waqt il-quddiesa qed jieħu sehem f’din it-talba. Imma rridu nagħmluha mument ta’ talb. Ejjew kuljum insibu ħin biex nitolbu u fl-intenzjonijiet tagħna nitolbu lil Alla biex ikattar il-fidi fin-nies qrib tagħna! Ma ninsewx li Kristu stess qalilna li “kull min jitlob, jaqla’”!
Aqra AktarIl-‘Missierna’ huwa ġmiel ta’ kitba u riflessjonijiet dwar Alla l-Missier minn San Ġorġ Preca. Lil Alla l-Missier, il-Fundatur jgħallimna nsejħulu lil Missier qaddis bħala is-Sinjur tas-sema u tal-art, u iżjed minn hekk, f’kull għodwa jistedinna nsejħulu ‘Ħelu Missier tal-imbierek Ġesù Kristu’. Fid-daħla tal-ktieb, San Ġorġ Preca ifisser għaliex għandna nsejħulu bl-isem ħelu ta’ missier u jgħid li l-ispirazzjoni ġejja minn Ġesù li għallimna l-Missierna u dan l-isem ħelu jispira u jnissel kunfidenza, tama, imħabba u ħlewwa. Għalhekk aħna ma nibżgħux nersqu lejh u nitħaddnu miegħu bħala wliedu. San Ġorġ Preca jidħol fil-fond tas-sens veru ta’ din it-talba tal-Missierna li għallimna Ġesù u jagħti tagħlim tassew prattiku għal kull nisrani. Permezz ta’ dan il-ktieb, huwa jagħti espożizzjoni sempliċi tat-talba tal-Missierna għall-meditazzjoni. Kif wieħed jibda jaqra l-ktieb, malajr jinduna San Ġorġ Preca jibqa’ dejjem fidil għall-Maġisteru tal-Knisja u l-Bibbja li kien tant jixrob minnha u jagħti tagħlim sod dommatiku u spiritwali f’paragrafi qosra u dirett għall-punt. Is-sens tal-Missierna Missierna li inti fis-smewwiet. Lilek insejħu, o Alla qaddis; lejk nirrikorru, għax aħna wliedek. Jitqaddes Ismek. B’hekk inkunu nitolbu ’l Alla li jagħmel li kulħadd jagħarfu u jagħtih glorja b’saħta sinċiera tad-dnub. Tiġi saltnatek. B’hekk inkunu nitolbu ’l Alla li jnissel fina xewqa vera tal-ġenna. Ikun li trid int kif fis-sema hekkda fl-art. B’hekk inkunu nitolbu ’l Alla li jagħtina l-grazzja li niċħdu perfettament lilna nfusna. Ħobżna ta’ kuljum agħtina llum. B’hekk inkunu nitolbu ’l Alla li jagħtina biss kulma neħtieġu għar-ruħ u għall-ġisem fil-kors tal-jum. U aħfrilna dnubietna kif aħna wkoll naħfru ’l min hu ħati għalina. B’hekk inkunu nitolbu ’l Alla li jagħmel ħniena bi ħniena u skond il-kejl tagħna mal-proxxmu. U la ddaħħalniex fit-tiġrib. B’hekk inkunu nitolbu ’l Alla li ma jħalliniex weħidna waqt il-prova. Iżda eħlisna mid-deni. B’hekk inkunu nitolbu ’l Alla li jwettaqna fil-grazzja li nibżgħu mid-dnub u mill-ħlas tiegħu. Ammen. B’hekk inkunu nsaħħu li tassew irridu dan kollu li tlabna ’l Alla u li b’tama qawwija nistennewh minnu.
Aqra Aktarta' Jean-Pierre Lintanf, Patri Dumnikan Missier qaddis, li kull kull ħajja hi minnek, li kull ħlewwa hi minnek, nixtieq inkantalek ir-radd tal-ħajr tiegħi. Kull grazzja tiġi minnek. Kull rigal hu minnek. Ibnek. Il-Kelma tiegħek. Kien in-nifs tiegħek li ta lsien ta’ nar lill-ewwel xhieda li wasslu l-kelma tiegħek. Irrid inkantalek ir-radd tal-ħajr tiegħi għax il-kelma tiegħi hi fl-istess ħin il-kelma tiegħek. Ħadd ħliefek ma jista’ jitkellem dwarek. Huwa minnek, miegħek u għalik li jien inxandar bejn erba’ ħitan u minn fuq il-bjut dak li kuljum jgħaġġibni fik. Nirringrazzjak għal tant widnejn li tħalli jisimgħuni u għal tant qlub li jkunu lesti għall-kelma li jiena nwassal. Nirringrazzjak għall-eku li jinħoloq bil-kelma tiegħi kif ukoll għas-silenzju li ġieli kien tweġiba li ħallietni mdejjaq. Nitolbok taħfirli. Fuħħar fraġli li jżomm fih it-teżor tal-kelma tiegħek. Għax ġieli ma mxejtx mal-kelma tiegħek u ħafna drabi bżajt mill-kelma tiegħek. Wara kollox, min jien u x’jien biex għandi ħila nitkellem dwarek? Għalhekk nitolbok żewġ ħwejjeġ: li tfakkarni li dak li hu l-iżjed importanti għalija mhux bilfors li hu mportanti wkoll għalik; u li l-kelma tiegħi ikollha dejjem il-ħlewwa tal-kelma tiegħek.
Aqra AktarXi tfisser il-missjoni għalina li nemmnu f’Alla? Alla l-Missier bagħat lil Ibnu Ġesù fid-dinja fuq missjoni. Alla l-Iben, magħmul bniedem, Ġesù Kristu, waqqaf il-Knisja tiegħu biex tkompli l-missjoni salvivika tiegħu fuq l-art: “Kif bagħatni l-Missier, hekk qed nibgħat lilkom” (Ġw 21, 24) u meta tlestiet il-missjoni tiegħu fuq l-art, Ġesù, qabel ma tela’ għand Missieru, bagħat ukoll l-appostli tiegħu, biex jagħmlu dixxipli mill-ġnus kollha, biex jgħallmu lin-nies, jgħammdu, jimxu warajh…. (ara Mt 28: 19-20). Is-Sejħa Komuni Tagħna X’tip ta’ missjunarji għandha bżonn il-Knisja illum? Qatt irringrazzjajt lil Alla għad-don tiegħi tal-fidi? Bħala tweġiba għal dawn il-mistoqsijiet, nistgħu ngħidu li aħna wkoll il-missjunarji lokali fost in-nies tagħna stess. Il-membri kollha mgħammdin, membri tal-Ġisem ta’ Kristu, huma maħtura minnu biex ixerrdu s-saltna, jippenetraw fil-fond fid-dinja biex ixerdu l-valuri tal-Evanġelju. Prattikament, aħna aħna l-missjunarji, fil-postijiet tagħna, f’nofs is-soċjetà tagħna li hija tant sekularizzata. Bid-don tal-fidi li rċevejna aħna nagħtu lis-soċjetà li ngħixu fiha ħajja ġdida bl-imħabba u bil-preżenza tagħna speċjalment fost il-foqra, fost dawk bla vuċi, dawk li jbatu, dawk minsija u emarġinati. Biex niċċelebraw Jum il-Missjoni, inżommu f’moħħna dawk il-missjunarji li ħallew art twelidhom biex imorru f’missjonijiet ’l barra minn pajjiżhom. Dawn huma rġiel u nisa li wieġbu sejħa speċifika biex jimxu wara Ġesù, l-Ewwel Missjunarju, il-mibgħut mill-Missier, u jiddedikaw ħajjithom fit-tixrid tas-Saltna ta’ Alla f’pajjiżi oħra. Waqt li niftakru fihom, nistaqsu lilna nfusna l-mistoqsijiet li ġejjin: Nitlob għall-missjunarji li qegħdin f'art barranija? Noffri sagrifiċċji għalihom? Nagħti għajnuna finanzjarja għal dan il-għan? Kemm jien grat għal dak kollu li rċevejt minn missjunarji lokali jew barranin li qed jagħtu servizz fil-parroċċa li ngħix fiha? Nitlob biex insir naf jekk Alla hux qed isejjaħli biex nagħti sehemi fil-missjoni? Fl-għeluq ta’ din ir-riflessjoni qasira, tajjeb li ngħidu: “Il-missjoni trid tibqa’ għaddejja sakemm niltaqgħu ma’ Dak stess li bagħatna. Il-ħidma biex naqsmu lil Kristu ma’ ħaddieħor trid tibqa’ għaddej sakemm inkunu ma’ Kristu nnifsu”. Jalla, Marija, il-kewkba tal-Evanġelizzazzjoni, tkun magħna! Dr Linda Tacorda (Iloilo, il-Filippini)
Aqra AktarL-Attivitajiet Li Jmiss
Societas Doctrinæ Christianæ M.U.S.E.U.M.
207
Triq San Ġorġ Preca
Marsa MRS 9090
Malta EU