Jien Iltqajt Miegħu
26 March, 2024
Pubblikazzjoni Preca għadha kif ippubblikat it-tieni edizzjoni tal-ktieb Jien Iltqajt Miegħu. Is-Soċjetà tal-MUSEUM kienet ħarġitu għall-ewwel darba fl-1985, fl-okkażjoni tas-Sena Internazzjonali taż-Żgħażagħ. Dan il-ktieb, miktub minn Joe Fenech, membru tas-Soċjetà, ilaqqagħna ma’ tlettax-il karattru tal-Evanġelju, u minn fommhom stess, nisimgħuhom jitkellmu dwar il-laqgħa tagħhom ma’ Ġesù Kristu u kif hu messilhom qalbhom u bidlilhom ħajjithom. Dawn it-tlettax-il karattru mhumiex fittizji jew ivvintati, imma rġiel u nisa ta’ veru, u huma tassew iltaqgħu ma’ Ġesù. It-testimonjanzi tagħhom huma stedina għalina sabiex nersqu iktar qrib ta’ Ġesù, ħa nsiru nafuh u nħobbuh iktar.
