Ċelebrazzjoni tad-Doni tal-Ispirtu s-Santu
29 September, 2024
Bejn is-Sibt it-28 u l-Ħadd id-29 ta’ Settembru, fil-Qasam ta’ Ħal Tarxien saret ċelebrazzjoni tad-doni tal-Ispirtu s-Santu għall-adolexxenti subien u bniet flimkien mal-ġenituri tagħhom. Dawn l-adolexxenti se jirċievu s-Sagrament tal-Griżma tal-Isqof fix-xahar t’Ottubru fl-istess parroċċa. Din l-attività ġiet organizzata bejn iċ-ċentri tal-katekiżmu tal-parroċċa ta’ Ħal Tarxien. Iċ-ċelebrazzjoni intemmet b’ħin informali għall-familji kollha fil-bitħa tal-Qasam. Nitolbu lill-Ispirtu s-Santu biex jagħti l-qawwa lil dawn l-adolexxenti ħalli jiftħu qalbhom għall-grazzja t’Alla u jkompli jinbidlu fi nsara adulti!
