Attività tal-Aħħar tas-Sajf għall-Kandidati (Malta)
01 September, 2024
Nhar is-Sibt 31 ta’ Awwissu 2024, il-Kandidati ta’ Malta u Għawdex inġabru għall-attività annwali tagħhom ta’ tmiem is-sajf fil-Qasam ta’ Birżebbuġa. Bħala parti mill-formazzjoni tagħhom, il-Kandidati kellhom esperjenzi differenti matul is-sajf, kemm lokalment kif ukoll fil-Perù. Din l-attività għamlet possibbli biex il-Kandidati jaqsmu bejniethom dawn l-esperjenzi. Barra minn hekk, żewġ Kandidati mill-Polonja, li qed iżuru s-Soċjetà f’Malta, kienu wkoll preżenti u qasmu mal-Kandidati Maltin l-esperjenzi tagħhom fil-Qasam ta’ Poznań. Is-Superjur Ġenerali qasam riflessjoni ma’ dawk preżenti. L-attività kompliet b’ħin għall-għawm, futbol u ikel flimkien.
