L-Għoti tal-Mandat lill-Katekisti (Kuba)
13 October, 2024
Nhar is-Sibt, 12 ta’ Ottubru, 2024, il-Membri f’Sagua la Grande, Kuba, koordinaturi tal-Kummissjoni Kateketika Djoċesana, organizzaw iċ-ċerimonja tal-għoti tal-mandat lilll-katekisti fis-Santwarju Djoċesan ta’ Santa Klara. Għal din l-attività attendew madwar 200 katekist u missjunarju mill-parroċċi kollha tad-djoċesi. Kien hemm żewġ riflessjonijiet ibbażati fuq id-dokument Aparecida: Dixxipli u Missjunarji ta’ Ġesù, u wara, l-Isqof Mons. Arturo González, iċċelebra l-Quddiesa. Fi tmiem il-Quddiesa, l-isqof ta l-barka tiegħu lil dawk kollha preżenti u qassam ċertifikat lill-110 katekisti li pparteċipaw fil-Kors ta’ Metodoloġija Kateketika organizzat mill-Membri tas-Soċjetà fil-bidu ta’ din is-sena. Matul din il-ġurnata, bosta katekisti ħadu l-opportunità biex jixtru kotba kateketiċi u riżorsi ppubblikati mill-SDC.
