Kotba ta’ tħejjija għas-Sagramenti tal-Inizjazzjoni (Kuba)
14 April, 2024
Fil-5 ta’ April, l-Isqof Arturo Gonzalez ippreżenta lill-Membri kopja tal-kotba għall-katekeżi taż-żgħażagħ u l-adulti (Magħmudija, Tqarbina u Griżma tal-Isqof). Dawn il-kotba tħejjew mill-Membri, fuq talba tal-Isqof stess, bl-użu ta’ xi noti li kienu ġew ippreparati fid-djoċesi ta’ Santa Klara fis-snin disgħin. L-Isqof Arturo spjega li bl-għajnuna tal-ACN (Aid of the Church in Need) irnexxielu jistampa 10,000 kopja minn kull textbook, li se jintużaw fid-djoċesijiet kollha ta’ Kuba. Kull textbook huwa magħmul minn madwar 30 sessjoni. Ta’ min jinnota li l-Membri inkludew ġrajjiet u talb ta’ San Ġorġ Preca biex l-ispiritwalità tiegħu tkun magħrufa mal-gżira kollha.
