Auditorium

L-auditorium fid-Dar Ġenerali tas-Soċjetà tad-Duttrina Nisranija ngħata l-isem ta’ Sacred Auditorium minn Atelier Maison, id-ditta tal-arkitettura responsabbli għar-rinnovament tagħha. Paula Agius Vadalà u Katja Abela Cassar kienu l-periti wara dan il-proġett.

Il-kunċett tad-disinn ta ‘Atelier Maison għall-auditorium kien elegantment sempliċi: kellu l-għan li joħolq dehra ta’ auditorium mibni bil-ġebel, li joħloq atmosfera li tilqgħek. Bl-użu ta’ travertin kulur l-għasel, jixbaħ il-kulur naturali tal-qamħa, iżid l-interess viżwali għal kull min jidħol fih. B’ħila kbira l-palk, il-bibien, u s-sistema tal-ħoss saru b’mod li kollox jidher bħala ħaġa unita.

Is-saqaf sempliċi ta’ qabel inbidel f’wieħed b’disinn impressjonanti. Il-forma l-ġdida b’kurvatura ġentili, tfakkar lin-nies fil-baldakkin tradizzjonali u titfa’ l-attenzjoni lejn iċ-ċentru tal-auditorium fejn hemm ħafna simboliżżmu.

Fuq livell spiritwali, għajnejn in-nies jinġibdu lejn salib magħmul minn dawl jiddi fuq drapp blu. Iżda l-aktar esperjenza profonda u spiritwali isseħħ meta tkun mikxufa il-figura tax-xama’ ta’ San Ġorġ Preca li tinsab bejn l-auditorium u l-kappella biswitu.

Il-preżenza ta’ San Ġorġ Preca iżżid l-effett spiritwali liż-żewġ spazji. Filwaqt li l-auditorium, għandu dehra sempliċi u moderna, l-preżenza tal-qaddis tagħmel il-post spazju li jmur lil hinn miż-żmien u adattat għal kull tip ta’ avveniment, minn dak sekulari sa mumenti ta’ talb u riflessjoni.