Seminar għall-Pre-Kandidati (Malta)
26 Jannar, 2026
Bejn il-Ġimgħa 23 u l-Ħadd 25 ta’ Jannar 2026, tlettax-il pre-kandidat ħadu sehem f’seminar formattiv li sar f’Dar Betsajda. Is-seminar, intitolat LinkedIn, offra lill-parteċipanti l-opportunità li japprofondixxu l-għarfien tagħhom infushom, isiru jafu lil xulxin aħjar, u jaħdmu bħala tim permezz ta’ varjetà ta’ attivitajiet fi grupp. Huma setgħu wkoll jirriflettu fuq il-vjaġġ tagħhom bħala pre-kandidati. Il-programm inkluda mumenti ta’ talb u rikreazzjoni. Flimkien, dawn l-esperjenzi għenu għat-tisħiħ tas-sens ta’ komunità u fraternità fi ħdan il-grupp.
