Purċissjonijiet bil-Bambin Ġesù f’SVDP (Malta)
23 December, 2024
Il-Ħadd 22 ta’ Diċembru, 2024, saru tliet purċissjonijiet bil-Bambin Ġesù fir-Residenza San Vinċenz de Paul. Il-membri, akkumpanjati minn gruppi ta’ adolexxenti u tfal flimkien mal-ġenituri tagħhom bdew iż-żjara bil-Quddiesa fil-Kappella. Wara l-Quddiesa l-gruppi qasmu l-ferħ tal-Milied mar-residenti permezz ta’ kant tal-għanjiet tal-Milied, u qasmu wkoll ix-xewqat tal-Milied mar-residenti waqt li għaddew minn għadd ta’ swali. Ir-residenti rreċiprokaw il-ġest bit-tbissima u t-tifkiriet tagħhom tal-Milied.
