Pellegrinaġġ lejn it-Tramuntana ta’ Franza (Upper Norwood)
07 June, 2026
Bejn is-27 u l-31 ta’ Mejju 2026, il-qasam ta’ Upper Norwood organizza pellegrinaġġ ta’ ħamest ijiem għall-membri tal-grupp SDC Friends, fejn il-parteċipanti kienu ospitati f’dar fil-kampanja qrib Amiens, fi Franza.
Matul il-pellegrinaġġ il-parteċipanti żgħaru diversi postijiet ta’ interess reliġjuż, storiku u kulturali. Fost dawn kien hemm il-belt ta’ Amiens u l-katidral gotiku rinomat tagħha, il-belt ta’ Abbeville, u l-Katidral maestuż ta’ Beauvais. Huma żaru wkoll diversi siti fir-reġjun tas-Somme, fosthom numru ta’ ċimiterji militari u l-Mużew tas-Somme fil-belt ta’ Albert.
Il-Ġimgħa sar pellegrinaġġ lejn il-belt ta’ Lisieux, marbuta mal-ħajja ta’ Santa Tereża tal-Bambin Ġesù. Saru żjarat f’Les Buissonnets, id-dar tal-familja fejn Santa Tereża qattgħet tfulitha, fil-Kunvent tal-Karmelitani, fil-Katidral ta’ San Pietru, u fil-Bażilika ta’ Santa Tereża. Il-parteċipanti ħadu sehem ukoll fiċ-ċelebrazzjoni tal-Quddiesa fil-Bażilika.
Kull filgħaxija, il-membri nġabru għal mumenti ta’ talb u riflessjoni fuq diversi temi.
Il-Ħadd, lura lejn Londra, saret waqfa f’Arras, fejn il-parteċipanti ħadu sehem f’Quddiesa li kienet tinkludi wkoll iċ-ċelebrazzjoni tal-Magħmudija u tal-Ewwel Tqarbina ta’ diversi tfal.
Dan il-pellegrinaġġ offra lill-parteċipanti opportunità għal tiġdid spiritwali, għall-għaqda bejn il-membri, u għal apprezzament aktar profond tal-wirt reliġjuż tar-reġjun.
